प्रतिनिधी Sunita Rasal :
सुपे : *डॉ. ए. पी. जे. अब्दुल कलाम यांच्या जयंतीनिमित्त विद्या प्रतिष्ठान सुपे इंग्लिश मिडीयम स्कूलमध्ये 'वाचन प्रेरणा दिन' उत्साहात साजरा!* भारतरत्न, माजी राष्ट्रपती आणि थोर शास्त्रज्ञ डॉ. ए. पी. जे. अब्दुल कलाम यांच्या जयंतीचे औचित्य साधून गुरुवार दिनांक १५/१०/२०२६ रोजी विद्या प्रतिष्ठान सुपे इंग्लिश मिडीयम स्कूलमध्ये अत्यंत उत्साहात आणि आनंदी वातावरणात 'वाचन प्रेरणा दिन' साजरा करण्यात आला. डॉ. कलाम यांचे वाचन आणि शिक्षणातील योगदान भावी पिढीसाठी नेहमीच मार्गदर्शक राहिले आहेत, याची आठवण आज विद्यार्थ्यांना करून देण्यात आली. इयत्ता सहावीच्या विद्यार्थिनींनी डॉ. ए. पी. जे. अब्दुल कलाम यांच्या कार्याची माहिती विद्यार्थ्यांना दिली.

इयत्ता १ली ते ४ थी च्या विद्यार्थ्यांनी वाचन प्रेरणा दिन साजरा करण्यासाठी मोठ्या उत्साहाने भाग घेतला. चिमुकल्या विद्यार्थ्यांनी आपल्या आवडीची पुस्तके, गोष्टींची पुस्तके, आणि बालसाहित्य शाळेत आणून त्यांचे आनंदाने वाचन केले. वाचनामुळे ज्ञानाची क्षितिजे कशी विस्तारतात आणि वाचनाची सवय बालवयापासूनच कशी अंगीकारली पाहिजे, याचा सुंदर संदेश या उपक्रमातून देण्यात आला.

शाळेचे प्राचार्य डॉ. योगेश पाटील यांनी विद्यार्थ्यांचे कौतुक केले व डॉ. कलाम यांच्या जीवनप्रसांगांतून प्रेरणा घेऊन दररोज वाचनाची आवड जोपासण्याचे आवाहन केले. विद्यार्थ्यांचा हा उत्स्फूर्त सहभाग आणि पुस्तकांप्रती असलेले प्रेम पाहून संपूर्ण शाळा परिसर ज्ञानमय आणि उत्साहपूर्ण वातावरणाने फुलून गेला होता.

कार्यक्रमाचे सूत्रसंचालन वनिता डोंबाळे व आभार प्रदर्शन प्रियांका चौधरी यांनी केले.