प्रतिनिधी Sunita Rasal :
सुपे : ♟️ *बुद्धिबळाच्या पटावर अनुष्काची दमदार चाल! राज्यात तृतीय क्रमांकासह दिल्लीच्या राष्ट्रीय स्पर्धेत निवड* सुपे (बारामती) : बुद्धिबळाच्या पटावर आपल्या कौशल्याची छाप उमटवत विद्या प्रतिष्ठान सुपे इंग्लिश मिडीयम स्कूलची इयत्ता बारावी (विज्ञान शाखा) मधील विद्यार्थिनी कु. अनुष्का बापू कुतवळ हिने राज्यस्तरीय बुद्धिबळ स्पर्धेत तृतीय क्रमांक पटकावून उल्लेखनीय यश संपादन केले आहे. या यशाच्या जोरावर तिची दिल्ली येथे होणाऱ्या राष्ट्रीय बुद्धिबळ स्पर्धेसाठी निवड झाली आहे. अनुष्काने आपल्या बुद्धिमत्तेच्या, एकाग्रतेच्या आणि रणनीतीच्या जोरावर हे यश मिळवले असून, तिच्या कामगिरीमुळे शाळेच्या शिरपेचात मानाचा तुरा रोवला गेला आहे.

राज्यस्तरावर मिळविलेल्या या यशामुळे अनुष्काने राष्ट्रीय स्तरावरही आपले कौशल्य सिद्ध करण्याच्या दिशेने महत्त्वपूर्ण पाऊल टाकले आहे. अनुष्काच्या या यशाबद्दल विद्या प्रतिष्ठान सुपे इंग्लिश मिडीयम स्कूलच्या वतीने तिचे अभिनंदन करण्यात आले असून, आगामी राष्ट्रीय स्पर्धेसाठी तिला शुभेच्छा देण्यात आल्या आहेत. तिच्या या यशामुळे शाळेतील इतर विद्यार्थ्यांनाही क्रीडा क्षेत्रात प्रावीण्य मिळविण्याची प्रेरणा मिळते आहे.

अनुष्काच्या या यशामुळे परिसरातून तिच्यावर अभिनंदनाचा वर्षाव होत असून, विद्या प्रतिष्ठानचे उपाध्यक्ष ॲड. अशोक प्रभुणे, विश्वस्त मा. सुनेत्रावहिनी पवार, खजिनदार मा. श्री. युगेंद्रदादा पवार, सचिव ॲड. नीलिमा गुजर, सदस्य डॉक्टर आर. एम. शहा, सदस्य श्री. किरण गुजर, सदस्य श्री. मंदार सिकची, रजिस्ट्रार श्रीष कंबोज तसेच स्कूलचे प्राचार्य डॉ. योगेश पाटील आणि संपूर्ण शालेय परिवाराने अनुष्काचे पालक, प्रशिक्षक व सर्व मार्गदर्शकांचे मनःपूर्वक अभिनंदन केले व आगामी राष्ट्रीय स्तरावरील स्पर्धेसाठी तिला शुभेच्छा दिल्या.

*राज्यस्तरीय यशाची मोहर, आता दिल्लीच्या राष्ट्रीय पटावर अनुष्काची भरारी !* ♟️🏆