प्रतिनिधी Sunita Rasal :
सुपे : नेमबाजी स्पर्धेत रुद्र खेत्रेला रौप्यपदक; विभागीय स्पर्धेसाठी निवड सुपे : विद्या प्रतिष्ठानच्या सुपे इंग्लिश मिडीयम स्कूलचा इयत्ता आठवीतील विद्यार्थी रुद्र प्रमोद खेत्रे याने जिल्हास्तरीय नेमबाजी स्पर्धेत उल्लेखनीय कामगिरी करत द्वितीय क्रमांक पटकावला. या यशाबद्दल त्याला रौप्यपदक (सिल्व्हर मेडल) प्रदान करण्यात आले असून, त्याची विभागीय स्तरावरील स्पर्धेसाठी निवड झाली आहे. डिस्ट्रिक्ट स्पोर्ट्स ऑफिस (DSO) अंतर्गत पुणे जिल्हास्तरावर आयोजित करण्यात आलेल्या नेमबाजी स्पर्धेत रुद्रने १४ वर्षांखालील मुलांच्या गटात ‘शूटिंग (ओपन साईट एअर रायफल)’ या प्रकारात सहभाग घेतला होता. या स्पर्धेत त्याने उत्कृष्ट कामगिरी करत द्वितीय क्रमांक मिळवून शाळेच्या शिरपेचात मानाचा तुरा रोवला.

रुद्रने मिळविलेल्या या यशामुळे शाळेच्या क्रीडा क्षेत्रातील कामगिरीत आणखी एक मानाचा ठसा उमटला आहे. त्याच्या या उल्लेखनीय यशाबद्दल सर्व स्तरांतून त्याचे कौतुक होत असून, विद्या प्रतिष्ठानचे उपाध्यक्ष ॲड. अशोक प्रभुणे, विश्वस्त मा. सुनेत्रावहिनी पवार, खजिनदार मा. श्री. युगेंद्रदादा पवार, सचिव ॲड. नीलिमा गुजर, सदस्य डॉक्टर आर . एम . शहा, सदस्य श्री . किरण गुजर, सदस्य श्री . मंदार सिकची, रजिस्ट्रार श्रीष कंबोज तसेच स्कूलचे प्राचार्य डॉ. योगेश पाटील आणि संपूर्ण शालेय परिवाराने रुद्रचे पालक, प्रशिक्षक व सर्व मार्गदर्शकांचे मनःपूर्वक अभिनंदन केले व आगामी विभागीय स्तरावरील स्पर्धेसाठी त्याला शुभेच्छा दिल्या.

रुद्रने विभागीय स्पर्धेतही उत्तम कामगिरी करून यशाची परंपरा कायम राखावी यासाठी शुभेच्छा !