प्रतिनिधी Sunita Rasal :
सुपे : वन्यजीव सप्ताह निमित्त विद्या प्रतिष्ठान सुपे शाळेत निबंध व चित्रकला स्पर्धेला विद्यार्थ्यांचा उत्स्फूर्त प्रतिसाद सुपे (बारामती): विद्या प्रतिष्ठान सुपे इंग्लिश मिडीयम स्कूल, वनपरिक्षेत्र बारामती, वनविभाग पुणे आणि मयुरेश्वर अभयारण्य सुपे यांच्या संयुक्त विद्यमाने ८ ऑक्टोबर २०२६ रोजी विद्या प्रतिष्ठान सुपे येथे 'वन्यजीव सप्ताहाची' सांगता मोठ्या उत्साहात साजरी करण्यात आली. या कार्यक्रमानिमित्त विद्यार्थ्यांसाठी चित्रकला व निबंध स्पर्धांचे आयोजन करण्यात आले होते. वनपरिक्षेत्र बारामती वनविभाग पुणे यांच्या वतीने घेण्यात आलेल्या चित्रकला स्पर्धेत इयत्ता ५ वी च्या गटातून हिरवे आराध्या तुषार हिने प्रथम, चौधरी मयूर विनोद याने द्वितीय लवांड कार्तिक किरण याने तृतीय तर खैरे शिवतेज अतुल याने उत्तेजनार्थ चौथे बक्षिस मिळविले. इयत्ता ४ थी च्या गटातून निबंध स्पर्धेमध्ये शितोळे स्वरांगिनी सचिन हिने प्रथम, खेडकर पार्थ उमेश याने द्वितीय, कदम प्रांजल सचिन हिने तृतीय तर शौर्य विनोद शितोळे याने उत्तेजनार्थ बक्षीस मिळविले. तसेच मयुरेश्वर अभयारण्य सुपे यांच्यावतीने घेण्यात आलेल्या चित्रकला स्पर्धेत इयत्ता ६ वी च्या गटातून गायकवाड स्वप्नांकिता स्वप्नील हिने प्रथम, चव्हाण परिनिती भिमाजी हिने द्वितीय, शितोळे समृद्धी अतुल हिने तृतीय तर चांदगुडे सृष्टी सागर हिने उत्तेजनार्थ बक्षीस मिळविले. निबंधलेखन स्पर्धेत ७ वी च्या गटातून शितोळे शिवानी धनंजय हिने प्रथम, चांदगुडे सई नितीन हिने द्वितीय, बंडगर संचेती उत्तम हिने तृतीय तर होले श्रवण अमर याने उत्तेजनार्थ बक्षीस मिळविले.

कार्यक्रमाला बारामती वनपरिक्षेत्राच्या मा. अश्विनी शिंदे, मयुरेश्वर अभयारण्य सुपे वनपरिक्षेत्राच्या मा. शितल फुंदे, मोरगावचे आर. ओ. मा. शितल बागल, करंजेचे आर. ओ. मा. जे.एस. शेख, मयुरेश्वरचे आर. ओ. मा. अनिल खोमणे व त्यांचे सहकारी, तसेच जखमी वन्यजीवांचे रक्षण करणारी रेस्क्यू टीम व शाळेचे प्राचार्य डॉ. योगेश पाटील उपस्थित होते.

यावेळी विद्यार्थ्यांना मार्गदर्शन करताना काही चित्रफिती दाखवून वन्यजीव प्राणी व पक्ष्यांचे संरक्षण आणि संवर्धन करण्याचे आवाहन करण्यात आले. तसेच आपल्या परिसरात आढळणारे चार प्रमुख विषारी साप जसे की घोणस, नाग, मण्यार, फुरसे यांची माहिती देऊन त्यांच्यापासून घ्यावयाची काळजी व दक्षता याबाबत मार्गदर्शन करण्यात आले. परिसरात कोणताही जखमी वन्यजीव आढळल्यास तातडीने वनविभागाशी संपर्क साधावा असे आवाहन देखील वनविभागाच्या वतीने करण्यात आले.

या उपक्रमातून विद्यार्थ्यांमध्ये वन्यजीव संरक्षण, पर्यावरण संवर्धन आणि निसर्गाप्रती जबाबदारीची जाणीव निर्माण करण्याचा संदेश देण्यात आला.

कार्यक्रमाचे सूत्रसंचालन योगिनी गुंड यांनी तर आभार प्रदर्शन दादा राऊत यांनी केले.