प्रतिनिधी Sunita Rasal :
सुपे : 🏆 *क्रीडा क्षेत्रात विद्या प्रतिष्ठान सुपेची दमदार कामगिरी; चार विद्यार्थ्यांची विभागीय स्पर्धेसाठी निवड* सुपे, दि. २० सप्टेंबर २०२६ : क्रीडा व युवक सेवा संचालनालय, महाराष्ट्र राज्य तसेच जिल्हा क्रीडा अधिकारी कार्यालय, पुणे यांच्या वतीने आयोजित विविध क्रीडा स्पर्धांमध्ये विद्या प्रतिष्ठान सुपे इंग्लिश मिडीयम स्कूलच्या विद्यार्थ्यांनी उल्लेखनीय यश संपादन केले.

*जिल्हास्तरीय स्केटिंग स्पर्धेत U-19 मुलांच्या गटात शाळेच्या रुद्र संतोष तरटे (इयत्ता ८ वी, ब) याने उत्कृष्ट कामगिरी करत क्वाड स्केटिंग प्रकारात तीन सुवर्णपदके मिळविली. तसेच शिवतेज प्रदीप चांदगुडे (इयत्ता ६वी, ब) याने इनलाईन स्केटिंग प्रकारात तीन सुवर्णपदके व एक रौप्यपदक पटकावले.* या दोन्ही विद्यार्थ्यांची पुणे येथे होणाऱ्या विभागीय स्केटिंग स्पर्धेसाठी निवड झाली आहे.

तसेच तालुकास्तरीय बुद्धिबळ स्पर्धेत शाळेच्या अनुष्का बापू कुतवळ (इयत्ता १२ वी) हिने U-19 मुलींच्या गटात प्रथम क्रमांक व शौर्य नितीन भोंडवे याने U-14 मुलांच्या गटात प्रथम क्रमांक मिळविला. या दोन्ही विद्यार्थ्यांची जिल्हास्तरीय बुद्धिबळ स्पर्धेसाठी निवड झाली आहे.

विद्यार्थ्यांच्या या उल्लेखनीय यशाबद्दल सर्व स्तरांतून त्यांचे कौतुक होत असून, विद्या प्रतिष्ठानचे उपाध्यक्ष ॲड. अशोक प्रभुणे, विश्वस्त मा. सुनेत्रावहिनी पवार, खजिनदार मा. श्री. युगेंद्रदादा पवार, सचिव ॲड. नीलिमा गुजर, सदस्य डॉक्टर आर . एम . शहा, सदस्य श्री . किरण गुजर, सदस्य श्री. मंदार सिकची, रजिस्ट्रार श्रीष कंबोज तसेच स्कूलचे प्राचार्य डॉ. योगेश पाटील आणि संपूर्ण शालेय परिवाराने विद्यार्थ्यांचे पालक, प्रशिक्षक व सर्व मार्गदर्शकांचे मनःपूर्वक अभिनंदन केले. तसेच भविष्यातील स्पर्धांमध्येही अशीच उज्ज्वल कामगिरी करण्यासाठी सर्व विद्यार्थ्यांना हार्दिक शुभेच्छा दिल्या .